فكاهة

نكت ابريل

في شب فلسطيني اسمه عيسى
عنده شركة كبيرة بأمريكا
قام عيسى بعث كرت زيارة لابوه إللي عايش بالقرية عشان يزوره بأمريكا
وصل الأب على المطار
و لاقى شوفير إبنه عيسى بستنى فيه
ركبوا بالسيارة
و أخده عشان يوصله عند إبنه عيسى
عيسى ساكن بأكبر ناطحة سحاب بأمريكا
وصلوا لعند المصعد و طلعوا فيه
و بلش هالمصعد يطلع و يطلع يطلع و يطلع..
الأب صار يتفرج من قزاز المصعد
شاف البنايات قاعدة بتصغر و تصغر و الناس اختفت بالمرة
و لسا هالمصعد قاعد بطلع
بعد شوي شاف حاله صار فوق الغيوم
و لسا هالمصعد قاعد بطلع
اتطلع الأب بالشوفير و قله
على مهلك يا عمي
إنت لعند أي عيسى ماخدني ؟


أوقف رجل ثري سيارته « رينج روفر « الفاخرة أمام محل جزار.
و طلب منه نصف كيلو لحمة.
و قبل أن يغادر حضر رجل بسيارة فيات موديل ١٩٨٠ .
و طلب ٥ كيلو لحمة و ٣ كيلو كبدة و كوارع و شوية عظم.
انتظر صاحب الرينج روفر حتى غادر صاحب الفيات .
و سأل الجزار: ماذا يعمل هذا الرجل؟
أجابه الجزار: لا يعمل، و لكنه متزوج من ثلاث أرامل ترك لهن أزواجهن ثروات بعد موتهم.
الثري طلب من الجزار ١٠ كيلو لحمة و ٧ كيلو كفتة و ٥ كيلو كبدة و ذهب لبيته،
عندما رأت زوجته ما أحضره سألته إن كان عندهم عزيمة.
قال لها: لا عزيمة و لا بطيخ
بدي اتمتع بثروتي قبل ما يجيكي صاحب الفيات

مضيفة لبنانية تسأل الركاب : مين فيكن دايخ ؟
قال البدوي : أنا..
قامت عطيتو حبة بانادول ..
ثاني مرة قالت مين دايخ ؟
قال البدوي: أنا…
وعطيتو حبة بانادول
وكل شوي تسأل المضيفة : مين فيكن دايخ ؟البدوي يقلها : أنا ..
لحد ما مات البدوي المسكين ..
لما شافو بطاقته لقو اسمه: دايخ بن نواف بن مقرن العتيبي
الله يرحمك يا دايخ

دراسة علمية حول فيروس كورونا في سورية, ينتشر بطريقة (يا غافل الك الله)
ويعالج بطريقة (ماحد بموت ناقص عمر )
والوقاية تعتمد على مبدأ ( اذا جارك تقي بتنهدى واذا جربان بتنعدى )
علق الفريق المكلف بالتصدي لكورونا عالدراسة بجملة (تنباعدوا بالعزا ) الشعب رد بجملة : النا الله ما بينسى حدا

الشيطان والأردني
الشيطان: إركب سيارتك وحط أغاني.
الأردني: ما عندي سيارة.
الشيطان: طيب إفتح التلفزيون على الرقص.
الأردني: ما عندي كهربا.
الشيطان: طيب روح على خمارة وأشرب.
الأردني: ما معي فلوس لخمارة، ولا معي أشرب بيبسي.
الشيطان: بتحكي جد!!!؟
الأردني: آه والله وليش أكذب.
الشيطان: طيب بيع البيت وانبسط.
الأردني: ما عندي بيت ساكن في الأيجار
الشيطان: طيب إسرق.
الأردني: من مين بدي اسرق ؟ الناس اللي بوصلها كلها مفلسة.
الشيطان: طيب حافظ المعوذات؟
الأردني: حافظها، ليش؟
الشيطان: أقرأها خليني انقلع

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى